ALBISTEAK

Euskal Herria

BASF multinazionalaren Tuterako lantegia salgai

gaindegia, Azt, 2015/02/04 - 17:22
Hainbat

Alemaniako BASF multinazionalak adierazi du Tuteran duen lantegi kimikoa saldu nahi duela, baina ez ditu argitu balizko operazio horrek izango lituzkeen baldintzak, ez eta hura erosteko eskaintzarik ba ote duen. Gaur egun 30 lagunek egiten dute lan bertan, eta poliesterenoa ekoizten dute (isolatzaile termiko gisa erabilia).

Tags: 

Inbertsioak ageri dira berriz Urduñako aurrekontuetan, urtetako estualdi ekonomikoaren ondoren

gaindegia, Azt, 2015/02/04 - 17:09
Hainbat

 
Urduñak (Bizkaia) inbertsioen bidea hartu du berriz bere aurrekontuetan, modu apalean izan bada ere (300.000 euro). Udal honek krisi ekonomiko larria jasan du, udalerriaren beraren bideragarritasuna kolokan jartzeraino. 

Azpeitiko Azkue, berpizkundearen atarian

gaindegia, Ast, 2015/02/03 - 16:31
Hainbat

1934an sortu zuten Azpeitiko Azcue y Cía enpresa, eta bere jarduera berrabiaraztekotan dabil orain, 2012ko abenduan hartzekodunen konkurtso batek hura eten eta gero. Prozesu juridiko eta ekonomiko konplexuaren ondoren, bertako langile ohi batzuek baimena lortu dute instalazioak eta makineria berreskuratzeko, bai eta merkaturatze markak ere, bi milioi euro ordaindu eta gero. Hori horrela, aurki lantegia berriz ere ekoizten hasiko dela dago aurreikusita.

Tags: 

EHNEk irabazi egin du Erronkariko benetako gaztaren aldeko lehia

gaindegia, Ast, 2015/02/02 - 16:48
Hainbat

EHNE-Nafarroa sindikatuak aurka egin dio Erronkari jatorri izendapeneko gazta atzerriko ardien (assaf eta lacoune arrazak, kasu) esnearekin egin ahal izateko indarrean zegoen baimen iragankorrari, eta irabazi egin dute azkenean.

Tags: 

Pirinioetan lan eta bizi, bi aldeetan aldi berean jarduteko

gaindegia, Ost, 2015/01/29 - 09:04
Hainbat

Udalbiltzako Euskal Garapen eta Kohesio Funtsak diru laguntzetarako deialdi berria dauka martxan, iaz egindakoaren bidetik. Hiru programatan bereizitako plana da honakoa, eta guztira 120.000 euro ematea du helburu, 28 ekintzailetza proiekturentzat. Aurkeztutako proiektuek duten beharraren eta bideragarritasunaren arabera banatzen dira laguntzak, premia gorriena duten zonaldeetatik datozen ekimenei lehentasuna emanez. 

 

 

Nafarroa Garaian ere bi bazkidedun kooperatibak sortu daitezke

gaindegia, Azt, 2015/01/28 - 17:21
Hainbat

Nafarroa Garaiko Parlamentuak Lan Elkartuko Mikro Kooperatiben Foru Legea onartu berri du; sozietate horiek bi langileren bazkidetzarekin sortzea ahalbidetuko du horrek, eta gehienez hamar langileren bazkidetzarekin. Euskal Autonomia Erkidegoan (EAE) aukera hori badago lehendik ere, 2008ko abuztuan indarrean jarri zen Euskadiko Kooperatiba Sozietate Txikiei Buruzko Legeari esker. Ipar Euskal Herriari dagokionez, Frantziako Gobernuak tankera horretako neurri legegileak hartu zituen 2012an.

Tags: 

Orriak

Azken Albisteak

Nabarmenduak

Portfolio

Beha Euskal Herria Euskal Herri osoko aktualitate sozioekonomikoa bildu nahi duen ataria da. Gaindegiak sortua da, Euskal Herriko ekonomia eta gizarte garapenerako behategia.

Harremanetarako

Beha Euskal Herria Gaindegiaren proiektua da. Gaindegiarekin harremanetan jartzeko:

Gaindegia

Gaindegiaren laguntzaileak